澳美(Dogaroo)犬隻花式訓練班---實況報導

嘩~~~都有好耐無講過係"澳美"既工作情況喇!等我又講下係呢度既學生既學習情況先!!!

由於响"澳美"最近多左學生報花式班~所以而家我星期六,日都要返! ^o^教花式班真係輕鬆又好玩,因為要狗狗學識有趣動作,主要教法係令狗狗感到置身於遊戲當中~從中學習~過程不令狗狗感到壓力~導師及主人都需要盡量讚賞 及獎勵狗狗~令狗狗增强自信心去學習動作!

所以~學習有趣花式除了能做些逗人喜愛的動作外,主要目的其實係增加狗隻自信,令狗狗學習隨時隨地聆聽指令,增强人狗間之感情及溝通...等等!!! ^o^

好~講下其中二位學生先! ^o^

********************************************

佢係蘇格蘭爹利~又稱"黑威"!今堂係佢既花式班第一堂~學習"穿腳花"及"轉圈"!

由於佢性格非常興奮及喜歡玩~所以我地用玩具去教!佢做得岩~就拋出玩具比佢去追玩! 呢個方法好識合佢~ 今堂成功學識左呢二個動作~叻仔!!! ^o^

由於成日要去追玩具~跑到氣來氣喘!要經常返主人度飲水水~哈哈哈!

****************************************

同班既另外一隻迷你貴婦~佢真係非常聰明~我係課堂上都忍唔住要一而再,再而三甘讚佢呀!!! ^o^
我呢堂大慨只教左佢40分鐘左右~佢已經學識左 : 穿腳花 , 爬地 , 碌地 , 轉左右圈...等等, 基本上教乜識乜,真係非常叻女!!!

學習轉圈中~

左右二邊轉~對佢黎講毫無難度呀!

***************************************

其中有一班亦有一隻松鼠好叻叻架,不過我唔記得影相 ~
下次出blog又講下其他學習"花式班"既學生先!


(此篇網誌始於 2010年6月01日)