在此介紹一下我家四隻寶貝 ~ 旺財,公主,寶珠,Dee Dee

左起: 旺財,公主,寶珠,Dee Dee

日有人問我究竟養左幾多隻狗,佢地有幾大,不如襯今次機會介紹下佢地啦 ^o^

以上相片既佢地就係我既乖寶貝喇^^~~~ 旺財(大仔)今年八歲半,公主(大女)七歲半,寶珠(二女)六歲,Dee Dee(細仔) 三歲

而佢地已經幫我取得接近四十個獎項(包括有:香港狗會,港九狗會主辨的犬隻服從比賽,花式表演賽,障礙賽,show dog 比賽及各類型動物協會所舉辨之表演賽等)
旺 財同公主佔最多,超過三十項,其他既就係 Dee Dee 同埋以前學師時的狗拍擋"Susi"取的~ 而由於旺財同公主年紀已經算大,今年過後佢地就會退休喇,雖然帶比我一D空虛既感覺,不過我同佢地一齊去比賽,挑戰自己既日子將會成為我永遠也記著的美好 回憶! ^o^

至於二女寶珠呢,佢係一隻好乖好乖既小朋友,但係佢天性比較細膽同容易緊張,所以當初相比之下我就選了公主出來訓練而沒選佢喇~ 寶珠從未參與過任何比賽,但我有打算公主退休後訓練一下她,已經六歲的她比起小時候已大膽不少了!

Dee Dee仔呢~係我收養回來的,係佢半歲時佢前主人嫌佢又曳又惡唔要佢,但係 Dee Dee 仔其實係極之聰明既小朋友,基本上教佢任何指令佢都可以學懂,佢已經取過幾個花式表演獎,希望佢將來會繼續大放異彩呢!!! ^^

 (此篇網誌始於 2012年05月23日)