Dee Dee仔勇奪"Next Top Dog Model 總決賽-最佳天才表演"獎項!叻仔!

話說係上星期六既寵物展,season寵物雜誌舉辨左"next top dog model"既總決賽,歴屆季選既得獎者都會獲邀參加!!!甘DeeDee仔就參加左佢狗生既第二次比賽喇!仲記得對上一次係12月既比賽,DeeDee 仔第一次上台驚到震騰騰,差Ｄ乜都唔肯做,到最後都只做到預定既一半動作!!!

但DeeDee經過二個月既膽量特訓( ^o^ )後,到左今次上台終於換然一新,可以做到晒我安排既十二項動作,我真係超級開心~其實佢攞唔攞到獎都唔緊要喇~我超開心係因為佢可以唔再怕人多狗多既環 境,大喇叭既聲響音樂,上到台眾人既焦點~佢真係好叻仔,終於唔洗再做細膽仔喇( ^o^ )!!!

而由於天才表演項目DeeDee順利進行~最後可以係呢個高要求既比賽下,獲得"最佳天才表演"獎項( ^o^ )!!!

Dee Dee 又可以拿到好多禮物呀!!!

Dee Dee 享受戰利品中!

============================

而上次12月既季選比賽~ Dee Dee仔好慶幸可以取得冠軍,所以season雜誌就安排左 Dee Dee 做二月號season雜誌封面,實在太~~~~~~~~~~~~~~~正喇!Dee Dee仔可以做到封面小子,我真係感到非常非常之榮幸呢!!!

型仔 Dee Dee ~我買左三本留念呢!

內頁 Dee Dee 專輯!!!有五版甘多~介紹DeeDee仔!!!


Ｄ相影得好靚呀!!!

============================

由於 Dee Dee 比賽我冇拍到片,所以我另外在此附上一些 Dee Dee 既表演動作比大家欣賞下丫~~~多謝觀賞!!!

(以下影片請點擊進入!Thank you!)


Dee Dee 花式指令動作 --- 跳十二吋細圈


Dee Dee 花式指令動作 --- 扮彊屍跳


Dee Dee 花式指令動作 --- 跳越五呎半距離


Dee Dee 花式指令動作 --- 聽指令吠叫


Dee Dee 花式指令動作 --- 用鼻頂零食


Dee Dee 仔 ---做" 除鞋帶 + 除鞋 + 除襪"


==============================

另外係上星期日既服從比賽,我既學生 yoshi 同 蕃薯仔 都取得非常好既成績,我真係好安慰,心機無白費,但你地仲有進步既空間,要繼續努力加油呀,老師我亦會一直係你地身邊扶持你地呢!!!

佢地既成續係~~~
( yoshi - 高級業餘組(亞軍) 新秀組(季軍) ) ( 蕃薯 - 新秀組(亞軍) 初級組(優異獎) )

至 於我家公主呢~今次我亦報左高級組同佢玩下!但比賽前一日,我患左重感冒,發燒,半夜仲入左急症睇醫生...唉,比賽前已暈陀陀,係甘咳仲失晒聲...當 然做得唔係甘好喇,有兩part測試由於我需要下雙重指令公主先做野,而高級組既要求係任何情況下不得重覆指令,所以我比評判扣左好多分丫,失晒聲我都無 法啦!!!下次再努力啦!!!我同公主都會加油呀!!!

=========================================================

而 Dee Dee 同旺財上星期亦獲 貓犬通信 雜誌邀請,連同我的大徒弟yoshi 去做 model ,影靚相,仲會刊登係 3月號 入面,大家有興趣睇下三隻肥哥基的話,買返本睇下丫!!!

多謝支持啦!!! ^o^


(此篇網誌始於 2011年02月28日)