上門犬隻訓練 --- 史立莎犬x2(服從,花式)及貴婦犬(服從,行為糾正)

上圖: 史立莎犬"boyboy"同"girlgirl"(同樣二歲) !

地點係大埔康樂園,九月份開始一共上六堂,希望學習基本服從及花式訓練!

由 於主人本身已飼養及調教得宜,boyboy同girlgirl本身行為,性格及態度都好好,對人無攻擊性,熱情,愛吃愛玩及受教~但主人平時並無教過佢地 做任何指令/動作,只係同佢地玩掟波之類既遊戲,所以主人想係佢地仲算年輕時可以教佢地多Ｄ野~從而增加感情,樂趣及增强人狗溝通!

已經上左四堂喇~由於佢地既性格好好,所以都教到好多野比佢地~包括有:

heel,down,stand,stay(二分鐘),come,同步跳圈,跳紙圈,跳手圈,跳狗背,同步站立行,同步站立轉圈,爬地,碌地...等等~佢地真係算聽教聽話呢! ^o^


 史立莎犬花式訓練---站立轉圈

天氣熱~學一陣抖一陣丫! ^o^

有花園真係好丫...做訓練同比狗狗活動一流...實在太正喇... >.<


=============================

另外其中一個學生係一隻ＢＢ貴婦犬"古力",只有四個月大!佢特別在針都未打齊己經識發惡,唔鍾意(例如抱佢,反轉佢,捉佢,洗耳,抹咀,抹手腳)就會胡 人,會吠人,而且未識定點大小便,ＢＢ黎講佢問題都算嚴重,好彩在主人十分合作,會跟足方法去做,而且佢仲細,性格未定型,可以容易教返好...

上左三堂之後,發惡情況已有效改善!但由於ＢＢ一返家便是"自由行",一個幾月來慣了隨處all,所以大小便問題要花多點時間教返岩...採用即時逮捕及正面獎賞,定點大小便才開始慢慢改善!

亦開始教"古力"做基本服從,例如: sit,down,stay,come 及教了一些跳圈之類的動作供人狗玩樂/溝通用!古力好聰明,學指令/動作非常快,只係性格/態度問題須好好教導!下堂古力齊針開始學上街禮儀,做好Ｄ呀~~~古力!  ^^

乖啦~~~去岩左就有好味零食同有得出黎玩架喇!!!

(此篇網誌始於 2010年9月30日)