哥基訓練班 ~~~ 新同學大躍進!!!

話甘快,新同學仔(茶茶and骰仔)已經跟我上左四堂訓練班喇,學習基本服從及行為訓練(總共上八堂) ! 佢地都好聰明及受教~~~亦好高興佢地有好顯著既進步^o^所以我都要寫返一篇blog,讚揚下佢地及佢地既主人先!!!

要 真正教好狗狗,主人既功勞/責任一定係最大,作為佢地既訓犬師,我要做既係幫助及教導主人要如何觀察自己既狗狗,及時制止佢地既不良行為  ~如何教授犬隻聽從指令,真心服從 ~ 平時應如何與狗狗相處...等等!我們要令狗狗明白,我們的身份,是狗狗既父母/顧主/朋友既混合體!不可過度寵傱,否則狗狗只會係目中無人既小混蛋,不 可過份兇惡,否則只會做成狗狗只因害怕而服從,長期就會對狗狗做成可怕既壓力...那是完全沒有意義的!教左方法,最終可唔可以真正教好狗狗,最主要係靠 主人平時有冇跟住去做,有冇績極去練習!

睇左二位新同學係呢四個星期既努力/進步...^o^証明左二位主人真係放左好多心機落去學,去教~~~我都覺得好高興呢!!! ^o^

好!!!去下佢地既新相先~~~

上圖係八個半月大既哥基"茶茶"~

本身主要問題係唔肯跟主人行,一係瀨死唔行,一係搶繩搶到癲!
上左四堂之後,此問題已完全改善,而且會好乖甘跟住左手邊行,唔會超前及隋後! 

係第三堂先學stay,初學連三秒都坐唔到,第四堂已進步到可以stay二-三分鐘!可想而知主人真係有努力去練!

到第八堂~~~我目標係要茶茶可以獨立stay十分鐘!!! ^.^

上圖係四個半月大既約瑟"骰仔"~

本身主要問題係勁左右搶繩,咬手護食,唔可以離開主人做stay...等等!

由於佢年紀及身型都好細,訓練上大部份都要靠正面獎勵,咬手護食除外!上左四堂之後,搶繩已明顯改善,上街練習大部份時間都可以好乖做到左側隨行,除非路上有途人主動騷擾佢,否則"骰仔"既隨行已可算係好好,好完美!

stay比較難教,而家已經可以做到獨立stay,時間係三,四十秒左右,ＢＢ狗已算好好,目標係做到三分鐘!

咬手護食問題努力中~~~算有改善,已無之前甘惡,但我希望幫佢上埋餘下四堂之後,"骰仔"可完全改善以上問題,我好有信心,希望"骰仔"主人繼續努力加油!!!

***************************************

(此篇網誌始於 2010年4月22日)