哥基犬服從及花式訓練班(第六班) --- (第一堂)上堂實況報導

經過初步練習,食飽飽肚仔先再上堂!

=======================================

 集體練習stay~~
======================================

先講下靚靚柴犬撲撲,以柴犬來講,撲撲算係好乖,事關我都養左6,7隻柴犬,我都深深明白柴犬性格固執,唔為食!忠心!軟又唔得硬又唔得,須要用耐性及長時間教導,而且比較難由外人手上訓練,但撲撲於"stay"中既表現明顯比其他狗狗好,尤其於集體stay方面!
======================================

咖喱仔都幾曳,主人要一改以往既教狗語氣及態度,才能教好咖喱!
======================================

冬甩豬已經進步左好多!有望於下堂比賽中獲獎!
=====================================

 蕃薯仔極有天份!加油呀!
======================================

 

跟住就講下麥精同yoshi,佢地係訓練中表現最好既,麥精係半年前已經開始接受真正既服從訓練,而且本身聰明,主人又有耐性教,其實已經可以出外參加真正服從比賽!

yoshi既進步實在令我感到安慰,亦感受到主人真係比左好多時間教導,下堂比賽加油呀!!!仲有,要比Ｄ信心yoshi!!!佢得架!!!

butbut豬,主人縱得濟了~~~不過butbut表現都幾好,係慢吞吞姐~~~減下肥啦!!!

靚女嘉嘉表現幾好!再練習下亦都可以係比賽之星!不過要控制下佢同其他狗玩時過份興奮的表現!總體來講,嘉嘉算幾乖同聽話!!!

哥基ＢＢ寶寶真係好得意!性格開朗而且易於受訓練及集中力强,寶寶會係一隻好叻既狗狗!!!我講真架!!!

好喇~~~~~~~~~~下堂將會有一個小型既服從測試,只係玩下同睇下大家學左幾多又做到幾多!記住只係反下乍,放鬆心情去做就可以了!而且我都唔會執得太緊,記住!做到就可以了!

跟住就會係輕鬆好玩既花式訓練,記住帶定Ｄ好昧零食喇!!!!!!


(此篇網誌始於 2009年2月10日)